Форум Православного Христианского чата

[Юрий]

Древний акафист

Это мой любимый акафист - рекомендую, когда тяжело

Акафист Спасителю
в отраду душевной скорби.


Кондак 1

Возбранных воевод небесных, Творче и Господи всех любящих Тя, неизреченное веселие! В день скорби моея хвалу воспою Тебе умиленную; Ты же Адама от смерти воставивый и Еву от слез и печали избавивый; призри на мя от печали на всяк день стужаема; и Тебе в сокрушении сердца зовуща милостивно: Господи, мой Господи, Радосте моя! Даруй ми да возрадуюся о милости Твоей!

Икос 1

Ангелом Своим бесплотным служителем заповедовый сохраняти души человеческия на всех путях жития превратного, Всемилостивый Господи, не остави мене в день испытания, но пошли мне Ангела Своего укрепляющаго мя в терпении; и не презри моих воздыханий сердечных, ими же Тебе молюся сице:
Господи, мой Господи! Ты дал еси мне жизнь и дыхание, сохрани душу мою от уныния;
Господи, мой Господи! Ты вдохнул в лице мое душу безсмертную, воздвигни мя под прахом и тлением;
Господи, мой Господи! Ты предуставил еси пределы жития человеческого, отврати от мене горесть напрасной смерти;
Господи, мой Господи! Ты недалече от мене пребываеши, не остави мене воньже день скорблю;
Господи, мой Господи! Тебе живу, и движуся, и есмь, не отрини мене, воньже день воззову;
Господи, мой Господи! Тебе мое пение, услыши мя ныне тепле молящся;
Господи, мой Господи, Радосте моя! Даруй ми да возрадуюся о милости Твоей!

Кондак 2

Землю и мир весь, и вся яже в мире, создавый Господи, вем яко в Вышних живеши и на ны смиренныя призираеши: и что есть человек, но Ты помниши его; или сын человечь, но Ты посещаеши его; к Тебе убо в день уничижения прибегаю, и Тебе в сокрушении сердца пою: Алиллуиа.

Икос 2

К кому аз прибегну в день скорби, к кому воззову в день печали, аще не к Богу спасения моего, рекшему сладкий гладкий глагол: «Приидите ко Мне вси труждающиеся и обремененные, и Аз упокою вы, и обрящите покой душам вашим», ныне убо из бездны отчаяния прихожду к Тебе, Господи; за грех мой аз гнев Твой приял; за лукавство мое скорбь и болезнь обретох, но каяся имя Твое призываю из глубины души:
Господи, мой Господи! Идеже Ты прибываеши, тамо всяка печаль потребляется;
Господи, мой Господи! Идеже Ты не присещаеши, от туда всяка радость отъемлется.
Господи, мой Господи! Без конца аз согреших Тебе, но не до конца погуби мене;
Господи, мой Господи! Страшен грешнику гнев Твой, но и велия к падшему милость Твоя.
Господи, мой Господи! В падении отступих от Тебе, но привлецы мя яко же блудного;
Господи, мой Господи! Во гресе моем укрыхся от Тебе, но взыщи мя, яко потерянную драхму.
Господи, мой Господи, Радосте моя! Даруй ми да возрадуюся о милости Твоей!

Кондак 3

Боготочною кровию, Спасе, от вечныя смерти мя спасл еси, даровал мне Твой Крест на попрание адовы силы, но греху приклонився расслаблен являюся телом и духом, тем же к Тебе вопию аз из дольныя бездны: грех мой очисти, о, Боже; да паки восстану и на врага ополчуся, поя Тебе песнь: Алиллуиа.

Икос 3

От юности моея не доумеваюся аз о житии сем, и не вем исхода моего, кому в житии сем подражаю, да блаженства улучу часть; Ты же, Господи, открывая пути заповедей Твоих, рекл еси: «Блаженни нищии духом, яко тех есть Царствие Небесное», но бысть мне слово яко вода мимотекущая; ибо путь гордыни избрах, паче смирения, самовозношение паче нищеты духовныя; тем же смятение духа, вместо покоя обретох, и ныне в сокрушении сердца, вопию Тебе:
Господи, мой Господи! Благо мне, яко смирил мя еси; приими мя во смирении моем;
Господи, мой Господи! Благо ми на Тебя надеятися; покрый мя да нектому убоюся.
Господи, мой Господи! Благ мне закон Твой, научи мя в нем поучатися день и ночь;
Господи, мой Господи! Блага мне милость Твоя, со мною пребуди в день скорби.
Господи, мой Господи! Благи мне все судьбы Твоя, воззову к Тебе и услыши мя;
Господи, мой Господи! Благи дни от Тебе видех, помоги мне в дни злы не отчаятися.
Господи, мой Господи, Радосте моя! Даруй ми да возрадуюся о милости Твоей!

Кондак 4

Грехов моих бурями потопляем, камо прииду аще не в пристань храма Святаго Твоего, идеже тихое всем есть дыхание Благодати Твоея, идеже матерния молитвы приносит за мир Богородица, скорби сердца человеческого ведущи, и отраду сердцу моему смиренному и духу сокрушенному подающе, да печаль яко прах отрину, поя Богу: Алиллуиа.

Икос 4

Указуя ми путь в Царствие Небесное, рекл еси, Господи: «Блаженни плачущие, яко тии утешатся»; аз же не восхотех есьму блаженству приобщитися, не разумех яко сеющии слезами радостию пожнут, и любезен мне бысть жребий веселящихся, но веселия взыскуя обретох печаль, и ныне сетуя хожду, и тебе вопию аз моляся:
Господи, мой Господи! Научи мя плакати о деяниях моих лукавых;
Господи, мой Господи! Укрепи мя взыскати заповеди Твоя.
Господи, мой Господи! удержи мя суетным мира сего не работати;
Господи, мой Господи! Оправдай мя, да исполнятся уста моя радости.
Господи, мой Господи! Возбуди мя, да некогда усну в смерть во унынии;
Господи, мой Господи! Помогай ми благая приявшему, злая до конца претерпети.
Господи, мой Господи, Радосте моя! Даруй ми да возрадуюся о милости Твоей!

Кондак 5

Велий в рожденных женами Креститель Твой, Господи, гласом сострадания и обличения и ныне вопиет в пустыне сердца моего: «покайся приближися бо Царствие Божие. Аз же земным прелестям уязвися; уши им и не слышу спасительных глашений, тем же в ров страстей яко слепый впадаю»; отнюдуже, Щедре, возведи мя, да надежду на прощение прииму, и гласом радования воспою Тебе песнь: Алиллуиа.

Икос 5

Оправдании Твоима ко спасению мя привлекая, Ты рекл еси: «Блаженни кротции, яко тии наследят землю». Аз же не послушав гласа Твоего, на сильных возложих упование и с надменными мнях наследити землю; но се ныне вижду, како сильнии низлагаются и како крепции оскудевают, и изнеможе крепость моя, и кости моя смятошася во мне; тем же к Тебе Господи воззову и к Богу моему воздыхая молюся:
Господи, мой Господи! Помилуй мя яко к Тебе прибегох спасуся;
Господи, мой Господи! Яко на Тя уповая молюся.
Господи, мой Господи! Вонми ми, яко к Тебе воззопих, не остави меня;
Господи, мой Господи! Не остави меня яко уны во мне сердце мое.
Господи, мой Господи! Приими мя яко Тебе желает душа моя;
Господи, мой Господи! Оживи мя яко боязнь смерти объят мя.
Господи, мой Господи, Радосте моя! Даруй ми да возрадуюся о милости Твоей!

Кондак 6

Зовут мя апостоли Твои Господи в послушание заповедем Твоим святым, но аз благое иго Твое отвергох, яко тяжкое бремя Твое, яко неудобоносимое; и врагу приклоних слух, тому в рабство лютое впадох, дондеже не воззовеши мя в час горести моея, да пою Тебе песнь избавления: Алиллуиа.


Икос 6

Законопологая ми путь жизни и спасения, глаголал еси яве усты Твоими, Господи: «Блаженни алчущии и жаждущии правды, яко тии насытятся»; аз же не в правде, а в силе пологах спасение, и не на небе, а на земли правды взысках; и умножеся на мя неправды гордых; и печаль прият на мя от грешник восстающих на мя; тем же к Тебе ныне прибегая молюся:
Господи, мой Господи! Просвети очи мои и уразумею тайну чудес Твоих;
Господи, мой Господи! Отверзи уши мои, да научуся оправданием Твоим.
Господи, мой Господи! Исцели сердце мое, да укрепляюся в заповедех Твоих;
Господи, мой Господи! Разшири уста моя, и возглаголю людям глаголы Твоя.
Господи, мой Господи! Возбуди душу мою, да не пребудет до конца во унынии;
Господи, мой Господи! Возвесели дух мой, да радуяся исповем Тя во дни и в нощи.
Господи, мой Господи, Радосте моя! Даруй ми да возрадуюся о милости Твоей!

Кондак 7

Все множества мученик Твоих, Господи, проливших кровь за имя Твое, гласом подвигов своих вопиет вслух сердца моего%: не возлюби мира, ни яже в мире; аз мирскими связався похотьми, врагу и погубителю спасения служу и от Царствия Твоего на страну далече отхожду; приложихся к скотам безсмысленным и уподобихся им. Тем же любовию безпредельною обращаеши мя и в язвы совести моея влагаеши персты спасительная; да исцелен и обновлен воспою Тебе: Алиллуиа.

Икос 7

Аз рекл вещую заповедь Твою человеком: «Блаженни милостивии, яко тии помилованы будут», и превозношу усты моими сию; сердце же мое окамененно пребывает и не принесох Тебе благих плодов милосердия; сего ради и постиже меня праведный суд Твой; писано бо есть суд без милости к не сотворившим милости; тем же из глубины осуждения вопию Тебе:
Господи, мой Господи! Щедрый и Многомилостивый, помилуй мя немилосердного;
Господи, мой Господи! Долготерпеливый, даруй мне совершити плод покаяния.
Господи, мой Господи! Святый и благословенный, научи меня делам милосердия;
Господи, мой Господи! Свете неприступный, коснися мя и сердце мое умягчи.
Господи, мой Господи! От Серафим певаемый, услыши души моея воздыхания.
Господи, мой Господи, Радосте моя! Даруй ми да возрадуюся о милости Твоей!

Кондак 8

Хощещи, Боже мой, Премилосердный, да спасуся; и сонм преподобных Твоих образы мне подает, како борением и нуждою восхищати Царствие Твое; но враг от юности моея мя искушает и страстми палит мя, до ада низводя душу мою; тем же от нощи юности и мрака вопию Тебе: свет мой лучем надежды озари и даждь дыханию моему изнести Тебе с веселием хвалебным гласом: Алиллуиа.

Икос 8

Истинный путь указуя недоумевающей душе моей, Ты рекл еси, Господи: «Блаженни чистии сердцем, яко тии Бога узрят»; аз же от юности моея грехами многими сердце мое оскверних и зерцало совести омрачих; тем же ныне не могу возрети на высоту небесную; до ада низверженный и в пучине грехов потопляемый, отнюдуже яко Иона вопию моляся о спасении:
Господи, мой Господи! Сотворителю мой, сотвори во мне сердце чистое;
Господи, мой Господи! Обновителю мой, обнови дух прав в существе моем.
Господи, мой Господи! Спасителю мой, спаси десницею Твоею раба Твоего;
Господи, мой Господи! Наставниче мой, настави мя дивно на путь Твой.
Господи, мой Господи! Просветителю мой, просвети светильник мой во спасение;
Господи, мой Господи! Покровителю мой, покрый мя от сонма лукавнующих.
Господи, мой Господи, Радосте моя! Даруй ми да возрадуюся о милости Твоей!

Кондак 9

Сердце мое смятеется во мне и боязнь смерти нападе на мя, егда посетил есть мя праведный гнев Твой, Господи, и познах вину горькаго падения моего и ждах в скорби моей соскорбящего и не бе, взысках в печали моей утешающего и не обретох; Ты же Един еси Источник утешения и Тебе во умилении сердца пою: Алиллуиа.

Икос 9

Победу над грехом уготовляя ми, учил еси, Господи, глаголя: «Блаженни миротворцы, яко тии сынове Божии нарекутся»; аз же не восхотех обути нози мои во уготование и благовествовать мир ближним и дальним, но вражду и свары и рвения и разжения возлюбих; единению духа в союзе мира никакоже послужих и плоды правды миром не принесох; сего ради недостоин есмь Отцем нарещити Тя, Небеснаго Бога; и яко раб неключимый вопию Тебе, моляся:
Господи, мой Господи! Мир Твой с высоты пренесый, укрепи ми нрав миролюбия;
Господи, мой Господи! Мир нам проповедовый, угаси ми огнь себялюбия.
Господи, мой Господи! Правда сый и мир на земли, научи мя миром служити Тебе;
Господи, мой Господи! Вышний мир любящим Тя, утоли вражду нас палящую.
Господи, мой Господи! Мир нам Свой оставивый, буди нам елей примирения;
Господи, мой Господи! Мир на Израиля, благослови люди Твоя миром.
Господи, мой Господи, Радосте моя! Даруй ми да возрадуюся о милости Твоей!

Кондак 10

Аще не Ты мя во объятия отчи приимиши, Господи, к кому прибегну аз напастьми гонимый; брат не избавит, избавит ли человек; богатство мимо течет и слава яко дым исчезает; гордыня даже до праха смирится и лукавство пред лицем Твоим обличится; к Тебе убо Боже прибежище мое, в крове крылу Твоему надеяние мое; потоком сладости Твоея отиются, и веселие моем воспою Тебе песнь: Алиллуиа.

Икос 10

Стояти за правду Твою наставляя мя, глаголал еси, Господи: «Блаженни изгнаннии правды ради, яко тех есть Царствие Небесное»; аз же неправду в высоту глаголах, и возлюбих злобу паче благостыни; сего ради изгнан от лица Твоего и несть достоин возрети на высоту святую Твою; тем же в скорби сый, лица Твоего взыскуя, молюся:
Господи, мой Господи! На высоких живый, свыше осияй мою бездну грехов;
Господи, мой Господи! На смиренныя призираяй, возведи мя от тли к горнему деланию.
Господи, мой Господи! Тайны сердец испытуяй, озари светом душу мою из темницы греховныя;
Господи, мой Господи! Возводяй нища и убога, возстави мя и правдою Твоею спаси мя.
Господи, мой Господи! Сотворивый Небеса, разумом воздвигни душу мою из тьмы неразумия.
Господи, мой Господи, Радосте моя! Даруй ми да возрадуюся о милости Твоей!

Кондак 11

Егда приидеши во славе Своей, Господи, и на Суде Твоем вопросиши мя о деяниях моих лукавых, откуда начну плакати моего окаянства; все бо Божие иждих себялюбиво, алчущего не напитах, жаждущего не напоих, в темнице сущаго не поситих, скорбящего не утеших, о ближнем моем николиже воспямянух. Но Ты, Жизнодавец, подаждь ми время покаяния; да со слезами многими измыется одежда души моея и в ризе светлой предстану Ти, вопия: Алиллуиа.

Икос 11

Твоих учеников утверждая в непоколебимой вере, рекл еси, Господи, «Блаженни ести егда поносят вам, и ижденут и рекут всяк зол глагол на вы лжуще Мене ради, радуйтеся и веселитися, яко многа мзда ваша на небесех». Они же духом пламенеющи смертию запечатлета веру; но аз теплохладен сый: и не студен, ниже горяч, бех стыдяхся Тебе и Твоих словес перед человеки, и горькую часть уготовляю себе на Суде Твоем; темже в клети сердца моего, каюся Тебе со умилением тепле:
Господи, мой Господи! Верую тебе и глаголю, помози моему маловерию;
Господи, мой Господи! Прискорбна душа моя, устрой существо мое ко спасению.
Господи, мой Господи! Сметеется во мне сердце мое, не вмени мне грехов моих множества;
Господи, мой Господи! Дух мой уныл во мне, не постыдися мене на Суде Твоем.
Господи, мой Господи! Во веки исповемся Тебе, обрати в радость печали моя;
Господи, мой Господи! Готово сердце мое, отжени от мене дух уныния.
Господи, мой Господи, Радосте моя! Даруй ми да возрадуюся о милости Твоей!

Кондак 12

Многими бедами лютыми содержим, многими печали от врага уязвен, впадох в пучину отчаяния; горечь и желчь се пища моя; печаль и сетование питие мое. Но Ты, Господи, молитву дал еси мне, яко крыле голубине, и полещу на гору Твою, и надежду на спасение тамо обрету, воспевая радостно ангельский глас: Алиллуиа.

Икос 12

Якоже к ближнему, яко к брату любимому приходиши ко мне, Любвеобильный Господи, и глаголиши: «Се стою при дверях и толцу, аще услыши глас Мой, и отверзеши двери, вниду к тебе и вечеряю с тобою, и ты со Мною». Аз же слышав глас сей, давидовски вопию Тебе: коль сладка гортани моей словеса Твоя, паче меда устам моим; темже услыши глас воздыханий моих, имже помолюся от сердца:
Господи, мой Господи! Не отрини мене, окаянен есмь грехов моих ради;
Господи, мой Господи! Приими мя под кров Твой, нищь бо есмь, яко забвен и оставлен.
Господи, мой Господи! Путь укажи ми воньже пойду, слеп бо есмь, не разумею путей Твоих;
Господи, мой Господи! Просвети одеяние души моея, наг бо есмь, погубих доброту ризу.
Господи, мой Господи! Отверзи ми дверь спасения, странен бо есмь и лишен дома Отчаго;
Господи, мой Господи, Радосте моя! Даруй ми да возрадуюся о милости Твоей!

Кондак 13

О, Боже Святый; о, Боже мой, крепкий; о, Боже Безсмертный, в триех лицех Единый! Господи, мой Спаситель, Благий Освятитель: услыши мя горько зовуща; вонми воздыханием слезным, подаждь ми терпение в скорби, пошли утешение скоро, да славлю Твою всемогущую власть и державу; и в час избавления ангельски имя Твое воспою: Алиллуиа.

(сей кондак глаголи трижды, а по сем чтется икос 1 и кондак 1)

МОЛИТВА.

Господи, Иисусе Христе, Боже наш! Милосердие Твое неизреченно и человеколюбию Твоему несть конца, сего ради не остави нас погибнути во гресех наших, но яви милость Твою, заступи, спаси и сохрани ны Своею благодатью от всех бед и напастей, козней диавольских и от наветов злых человек, да вся дни жизни нашея в мире, покаянии и непрестанном благодарении пребудем, за вся неизчеслимыя благодеяния Твоя, непрестанно воспевая всечестное и великолепое имя Твое ныне и присно и во веки веков. Аминь.

Господи, ниспошли нам терпения и умножь в нас веру! Просвети сердца наши светом разума Твоего и сподоби в радости сердца, неустанно славить Отца и Сына, и Святаго Духа ныне, и присно, и во веки веков. Аминь

[Юрий]

ВСЕМИЛОСТИВАЯ

молитва, данная иеросхимонаху Сампсону (Сиверсу) святым преподобным Серафимом Саровским

Всемилостивая Владычице моя, Пресвятая Госпоже, Всепречистая Дево, Богородице Марие, Мати Божия, несумненная и единственная моя надежда, не гнушайся мене, не отвержи мене, не остави мене, не отступи от мене, заступись, попроси, услыши, виждь Госпоже, помози, прости, прости Пречистыя